طريقه عمل الملوخيه الورق

 من أهم الأكلات في كل الدول العربيه ولها رائحه

جذابه وطعم أكثر من رائع كل دوله لها طريقه في عمل

الملوخيه الورق النهارده هنقدمها علي الطريقه المصريه 

تابعي معنا الخطواط 👇👇👇👇👇👇👇

مكونات الملوخيه الورق

كيلو ملوخيه خضرا ورق

توم 

كسبره ناشفه

معلقتين سمن 

شوربه فراخ او لحمه 

مكعب مرقه 

طريقه عمل الملوخيه الورق 

اولا :

نقطف الملوخيه ونغسلها ونفردها علي فوطه مطبخ

لحد ما تنشف تقريبا ساعه مش اكتر من كدي.. 

وبعد كدي نحطها علي اي سطح مستوي 

(رخامه المطبخ، صنيه، مثلا)..

ونخرطها بمخرطه لحد ما تنعم كويس اوي 

مده الخرط تقريبا ربع ساعه 

(لا تستبدل المخرطه باي شئ اخر)

ثانيا:

هنجيب شوربه اللحمه او الفراخ المفضل لديكي 

ونحط 2 كوب منها في حله غويطه نضيف فيها مكعب المرقه ونضيف فص توم مفروم ناعم للشوربه ثم نضيف الملوخيه ونقلب بمضرب يدوي.. لو حسيتي انها تقيله ذودي شوربه نص كوب كمان افضلي زودي لحد ما توصل قوام متوسط... 

ثالثا:

طشه الملوخيه.. 

هنجيب طاسه ننزل فيها 5 فصوص توم مفروم ناعم 

وعليه معلقه كسبره ناشفه ورشه ملح و2 معلقه سمن 

نحمر التوم لحد ما يكون لونه ذهبي فاتح 

وهو سخن نطشه علي وش الملوخيه.. 

*ملحوظات لنجاح الملوخيه الورق.. 

1-الملوخيه متسبيهاش تنشف اوي تخرطيها وهي مببله خفيف

2-بعد طشه الملوخيه لا تغطي الحله عشان الملوخيه بتسقط تحت...

3-معيار الشوربه تظبطيه بكوب عشان تضمني قوام متوسط..

4-كوني حريصه في ظبط الملح لان الشوربه بتكون فيها ملح.. 

تقديم الملوخيه الورق 

تقدم مع 

فراخ محمره او لحمه 

رز ابيض مصري

عيش بلدي 

شوربه لسان عصفور 

وبالهنا