طريقه عمل الجلاش باللحمه المفرومه بطريقه سهله

 

يلا جلاش اكله سهله وخفيفه تنفع جمب اي اكل مكرونه بانيه تنفع في العزومات تحلي شكل السفره تنفع للسفر للخروج للنادي تنفع في اي حاجه فبتاكيد مفيش حد مش بيحب الجلاش..  يلا علي المكونات والطريقه

المكونات 

نص لحم مفروم متعصج 

لفه حلاش

لبن 

بيضه 

ملح

فلفل اسود

سمن للتوريق

اولا 

تعصيج اللحمه

(في الكبه هنضرب بصله كبيره) 

فلفل رومي مقطع صغير 

معلقه صلصه طماطم

طماطم مقطعه صغير

فص توم( اختياري) 

ملح 

فلفل اسود 

مكعب مرقه لحمه

نجيب طاسه كبيره او حله نسخن فيها شويه زيت او سمن 

وننزل بالمكونات نشوحهم شويه صغيرين وننزل باللحمه المفرومه وبعدين نحط التوابل ونقلب لحد ما نسمع صوت شكشكه اللحمه في الطاسه هي بنتاخد اقل من10 دقايق وبتكون تمام  

(اعتمدي الطريقه دي لتعصيج اللحمه دايما نتيجتها ممتازه) 

الجلاش بللحمه المفرومه 

هنجيب لفه الجلاش ونقصمها نصين متساوين 

وفي بايركس قالب او الومنيوم قالب هندهن الصنيه سمن وناخد ورقه جلاش نفردها وندهنها سمن واللي بعدها وندهن سمن قليل وهكذا لحد ما نخلص نص اللفه وهنحط اللحمه المفرومه نسويها كويس ختصه الحروف ونرش عليها جبنه متزريلا 

وناخد النص التاني ونفس الشغل ورقه جلاش ومسحه سمن ورقه جلاش ونمسح باسمنه 

لحد ما نخلص الكميه كلها 

هنقطع الجلاش خرط

وش الجلاش

هنجيب كوبايه لبن هنحط فيها البيضه والفلفل الأسود وملح و نقلبهم كويس.. 

نسقي وش الجلاش باللبن والبيض كويس ونمسك الصنيه نقلبها يمين وشمال عشان نتأكد ان الجلاش شرب كل الخليط

في فرن درجه حرارة 180 ندخل الجلاش لمده 20 دقيقه... 

بعد مايبرد نقدمو في طبق التقديم ونزين بالبقدونس

وبالهنا