طريقه عمل الزلابيه للشيف ناديه السيد

 قدمت الشيف ناديه السيد طريقه عمل الزلابيه بطريقه سهله وبسيطه وغير مكلفه 

في 10 دقائق كانت جاهزه والان مع طريقه عمل الزلابيه للشيف ناديه السيد 

المكونات

كوب دقيق

معلقه نشا

معلقه بيكنج بودر

رشه ملح

كوب الاربع زبادي (او نص كوب لبن) 

زيت للقلي

للتزين 

صوص شكولاته

سكر بودره 

شربات

صوص كراميل 

صوص شكولاته بيضا 

(المتاح عندك) 

الطريقه 

في بوله ننزل بالدقيق والبكينج بودر والنشا والزبادي ونقلب بمعلقه خشب لان العجين هيبقي تقيل 

تحضري كيس حلاوني وتحطي فيه العجين  وبالمقص ونقص وفي اخر الكيس فتحه صغيره اذا كنتي عايزاها صغيره وكبيره لو بتحبي الزلابيه كبيره 

الزيت يكون سخن جدا نوطي عليه ونبدا نبل طرف المقص والزيت ونقطع حته من العجين نطغط بادينا علي الكيس براحه عشان ميتخرمش 

وهكذا لحد ما نملي الطاسه الزلابيه الاول هتنزل تحت وبعد ما تسخن هتطلع علي وش الزيت وقلبيها بعد ما تبقي فوق وهي تحت متقلبيش عشان شكلها ميبوظش 

بعد ما تاخد لون دهبي طلعيها علي شبكه او مصفي 

نرجع للزيت نوطي عليه خالص ونكمل باقي الكميه نبل المقص زيت ونقطع حته من العجين نبل ونقطع لحد اخر الكميه 

نشلها من علي الشبكه اللي كنا مطلعين عليها ونحطها في طبق او كذا طبق لو هتزيني باكتر من شكل 

نرش الصوص المحبب علي كل كميه 

وبالهنا