طريقه عمل الكفته العاديه

 بندور كلنا علي اكله مفيده والأطفال تحبها ينفع ناخدها

معانا واحنا رايحين مصيف او النادي او اكله سريعه مغذيه وحلوه...

هنقدم لكم النهارده طريقه عمل الكفته العاديه 

أسهل طريقه للكفته بالحمه المفرومه في الفرن او علي شوايه كهربائيه او شوايه الفحم.. 

مقادير كفتته اللحم العاديه 

1/2كيلو لحمه مفرومه

2 بصله

فصين توم

معلقه كبيره بقسماط مطحون 

كسبره خضرا 

سماق 

ملح 

فلفل 

السبع بهارات 

رشه زيت 

الطريقه

هنبشر البصله ناعم جدا وناخد التفل منها ونحط ميه البصل جانبا

في بوله غويطه هننزل باللحمه المفرومه وعليها تفل البصل والثوم والكسبره الخضرا والسماق وملح والفلفل السبع بهارات ورشه الزيت و معلقه البقسماط (كل المكونات) نخلطهم كويس مع بعض..

هنجيب خله الخشب زي اللي في الصوره.

. 

ونصبع عليها الكفته ونضغط خفيف وبعدين نمسح بمايه البصل (بأيدك) 

لحد ما تخلص كل الكميه هنرصها في صنيه وندخلها التلاجه لمده ساعه علي الاقل 

ملحوظه

لو دخلت الفرن علي طول الكقته هتكش منك.. 

اديها الأول صدمه علي الجريل وبعدين دخليها الفرن 

او ممكن تستخدمي الشوايه الكهربائيه 

(لو شوايه الفحم هتخرج من التلاجه علي الشوي علي طول) 

مش هتاخد وقت في التسويه لأنها سريعه.. 

ممكن تقدم مع مكرونه بالصلصه او سندوتشات وبطاطس محمره او رز ابيض 

وبالهنا