الكنافه من أشهر الحلويات الرمضانيه ومن حبنها فيها بقينا نعملها اي وقت في السنه الكنافه بالمانجا من الوصفات اللذيذه جدا للكنافه واليوم متنوعه هتقدم لكم طريقه عمل الكنافه بالمانجا و الكريمه...
مكونات الكنافه بالمانجا و الكريمه
نص كيلو كنافه
كوب سمن او ذبده
سيرم الشربات
مكونات حشو الكنافه بالمانجا
مانجا
كوب سكر بودره
كوب كريم شانتيه
كوب ونص لبن
طريقه عمل الكنافه بالمانجا
هنسيب الكنافه في الفريزر لمده ليله كامله حتي تتجمد تماما..
تاني يوم هنخرج الكنافه من الفريزر وهي متلجه هنضربها في الكبه لحد ما تنعم جدا وبعدين نضيف كوب السمن ونضرب تاني لحد ما الكنافه تتشرب كل السمن
(لو مش متوفر كبه ممكن تفركي الكنافه بايدك لحد ما تنعم وتضيفي السمن تكملي فرك)...
في الفرن
هنحط الكنافه في صنيه لحد ما تتحمص ويبقي لونها دهبي (تقلبيها من وقت لاخر)
علي البوتاجاز من فوق
هنحط الكنافه في طاسه غويطه يفضل تيفال ونحمصها باسمن ونقلب باستمرار بمعلقه خشب لحد ما تتحمص..
بعد ما تتحمص هنسقيها الشربات
تجهيز الكريمه
هنضرب الكريم شانتيه والسكر البودره واللبن الساقع بمضرب الكهربا لحد ما يبقي قومها تقيل
المانجا
تقطع شرائح رقيقه بالطويل
او ممكن تهرسي المانجا بهراسه البطاطس لو كانت المانجا مستويه...
التقديم
في بايركس هنحط طبقه كنافه ثم طبقه كريم شانتيه
ثم قطع مانجا وممكن نعمل طبقتين....
افكار للتزين
ممكن نزين الوش بجناش شكولاته مع كريز
وبالهنا
التسميات
قسم الحلويات