طريقه عمل الفطير المشلتت الفلاحي زي المحلات 
مهما عرفنا من وصفات وجربنا كل جديد في المعجنات هيفضل الفطير المشلتت الاقرب لقلوبنا
ينفع فطار مع عسل ابيض وقشطه او عسل اسود وطحينه ينفع مع جبنه قديمه او جبنه قريش
مع بيض مقلي او مسلوق مع بطيخه وحتت جبنه حاجه كدي ماشيه مع كلو
طريقه عمل الفطير المشلتت
المكونات
2 كوب دقيق
نص معلقه ملح
معلقه بيكنج بودر
سمن بلدي للفرد او (ذبده)
ماء للعجن
الطريقه
في بوله غويطه نضع كل المكونات الجافه ونضيف اليه الماء تدريجي ونعجن لمدة 10 دقايق لحد ما العجينه تبقي مطاطيه مثل اللبانه
ونغطيها ونسبها ترتاح حوالي ساعه
بعد ما ترتاح ندهن السطح اللي هنشتغل عليه زيت ويراعي يكون سطح املس
بالنشابه او ايدك نفرد العجينه كويس لحد ما تبقي رقيقه جدا وندهن وشها سمن ونطبها نصين وندهن سمن ونطبق نصين تاني وندهن سمن
وهكذا لحد ما تخلص نلفها كوره علي بعضها
نكون محضرين صنيه مدوره مدهونه زيت ونحط فيها الكوره ونفردها
التسويه
تدخل فرن حامي علي درجه 200 لمده 10 دقايق وبعد ما تخرج نجهز فوطه نضيفه مبلوله مياه ومعصوره نغطي بيها الفطيره عشان تبقي طريه ومش ناشفه
التسميات
معجنات