طريقه عمل صنيه كوسه باللحمه

 

الكوسه من الاكلات المفيده والصحيه ولها العديد من طرق الطبخ 

والنهارده متنوعه هتقدم لكم طريقه سهله لعمل الكوسه باللحمه

مكونات صنيه الكوسه باللحمه 

1. كيلو لحمه( يفضل موزه) 

2. كيلو كوسه 

3. بصل 

4. طماطم

5. ورق لورا 

6. ملح 

7. فلفل اسود مكعب مرق لحم 

8. معلقه سمن 

طريقه سلق اللحمه 

نشوح اللحمه في حله لحد ما تتخلص من كل الميه اللي فيها 

نزودها ميه سخنه ونضيف عليها فلفل اسود  وورق اللورا وبصله صغيره مقطعه اربع تربع طماطم مقطع اربع تربع فص توم مقطع بالسكينه 

ورشه سكر لتسريع التسويه لمده ساعه الاربع وبعدين نظبت الملح 

(يجب اضافه الملح بعد ما اللحمه تستوي) 

طريقه عمل الكوسه 

تقشر الكوسه بالمقشره او تكحت بسكينه وتغسل جيدا 

تقطع شرائح( دواير) 

نبشر البصله 

نضرب الطماطم في الخلاط 

في صنيه نحط الكوسه ومعلقه السمن والملح والفلفل  ومكعب المرقه والبصله ونشوح شويه ننزل بصلصه الطماطم 

(لو الطماطم مش حمرا اوي ممكن نضيف معلقه صلصه طماطم) 

نغطي الصنيه ونسويها نص سوي عشان هنكمل في الفرن 

صنيه الكوسه باللحمه في الفرن 

بعد ما اللحمه تستوي نرصها فوق الكوسه وندخلها الفرن علي درجه حرار180 

لمده ربع ساعه لحد ما يحمر وش الصنيه 

ملحوظه 

(الكوسه من الاكلات سريعه التسويه) 

بعد تمام النضج تخرج من الفرن وتقدم مع رز بشعريه 

وبالهنا..