هنقدم لكم طريقه عمل تورته سهله تقدري تحضريها في البيت بتكلفه اقل بكتير من الجاهزه ونتيجه مضمونه
تقدري تعمليها في اي احتفال عائلي وتفرحي اسرتك بيها
مقاير تورته الشكولاته
6 بيضات
2كوب دقيق
كوب سكر
بيكنج بودر
2 كيس فانيليا
كوب لبن
كوب زيت ذره( او ذبده صفرا)
كاكاو خام
للتزين
2 كيس كريم شانتيه
صوص شكولاته
فاكهه الموسم( كيوي تفاح فروله)
شكولاته اصابع( كيت كات)
اوريو
طريقه عمل تورته الشكولاته
اولا هننخل الدقيق في بوله غويطه ونضيف عليه البيكنج بودر ونتركه جانبا
بالمضرب الكهربائي او الخلاط الكهربائي او بالمضرب اليدوي
هنضرب البيض والفانيليا كويس جدا لحد ما تعمل فوم ونضيف السكر ونكمل ضرب
هنضيف اللبن والزيت ونخلطهم بالمضرب اليدوي وبعدين الكاكاو الخام وبعدين نضفهم علي الدقيق والبيكنج بودر
ونكمل تقليب..
القوام هيكون متوسط مايل للتقل
هنحضر صنيه مدوره نعفرها دقيق ونصب فيها الخليط
في فرن مسخا مسبقا نضع الكيك علي درجه حراره 180 لمده 20 دقيقه
نختبرها بسكينه رفيعه او عيدان خشب للتاكد من تمام التسويه
(هنعرف انها استوت اما السكينه تخرج من الكيك بدون عجينه)
هنسبها تبرد تماما وممكن نسبها لتاني يوم عشان تقدري تزينيها من غير ما تتقطع
التزين
هنضيف علي الكريم شانتيه كوب لبن او كوب ماء مثلج وهنضرب بالمضرب لحد ما يتقل ونحطه في التلاجه يتماسك
هنخرج الكيك من التلاجه وهنقسمها نصين متساوين هنسقي النص الاول قليل من اللبن
ونحط طبقه كريم شانتيه
وبهدوء هنشيل طبقه رقيقه من وش الكيك
ونحط الطبقتين علي بعض ونغطيها من كل الجهات بصوص الشكولاته
نزين نصفها من الاعلي بفواكه طازجه
والنص الثاني بكريز وقطع اوريو
ومن كل الجناب باصابع السكولاته
عمل صوص الشكولاته في المنزل
لبن بودره
سكر بودره
زيت
كاكاو خام
لبن
بنسب متساويه ويضرب في الخلاط
ويحفظ في التلاجه..
وبالهنا
التسميات
قسم الحلويات