الكرنب الفلاحي المصري من الاكلات المشهوره والمحببه للجميع ويعد طبق اساسي في العزومات الرمضانيه
واكله شتويه تعطي الجسم دفئ وطاقه وهو من الاكلات المفيده للمناعه
مقدار الرز
ومقدار الرز لكرنبه كبير كيلو رز مصري
مكونات محشي الكرنب
كرنبه متوسطه الحجم
نص كيلو رز مصري
نص كيلو طماطم
بصله كبيره
زيت
خضره المحشي.. شبت، كسبره، بقدونس
ملح
فلفل
بهارات محشي
تحضير خلطه محشي الكرنب
في حله هنحط الزيت ونضيف عليه البصله لحد ما تتبل فقط ثم نضرب الطماطم في الخلاط ونضفها علي البصل والزيت
نتركهم قليلا ونضيف الملح والفلفل وبهارات المحشي ونقلب وكدي بتكون جاهزه نتركها جانبا ونروح نسلق الكرنبه..
طريقه سلق الكرنب
هنشيل كل الورق من وش الكرنبه
وبسكينه نقطع ورق الكرنبه بهدوء عشان ميكسرش ونشطفو بميه من الحنفيه
نغطس ورق الكرنيه في مايه بتغلي فيها ملح وكمون
(ونسلقو نص سلقه) ونطلعو في مصفه مخرمه عشان يصفي كل المياه ويبرد
لو مستعجله ممكن تشطفيه بمياه عشان يبرد بسرعه
بعد كدي هنشيل الجزء الناشف في الورقه( العروق)
ونقطع الورق قطع مربعه
طريقه حشو الكرنبه
هنقطع الخضره قطع صغيره ونضفها علي خلطه البصل والطماطم وعليهم مقدار الرز
ونبتدي نحشي ورقه ورقه عن طريق وضع كميه رز مقدار معلقه صغيره رز في كل ورقه
ونلف الروقه علي نفسها( رول)
ونرص في حله غويطه لحد ما نخلص كل الكميه
هنجهز شوربه شخنه او ميه فيها ملح وفلفل ومكعب مرقه فراخ
وننصبها فوق الكرنب لحد نص الحله فقط
هنحيب طبق مسلطح هنحطو فوق الكرنب ونعطي الحله علي نار عاليه لمده 5 دقايق ونوطي النار بعدها 10 دقايق 
ملحوظه
يفضل عدم وضع توم في خلطه المحش لانه يؤثر بالسلب علي طعهه
وبالهنا 
التسميات
محاشي