خليه النحل من المعجنات السهله وغير معقده في التحضير
ممكن تتحشي جبن مثلثات او كيري او جبنه بيضه
ممكن تحشي شكولاته او مربي
تنفع فطار مشبع جدا وصحي
اليوم هنقدم لكم طريقه سهله وبسيطه لخليه النحل بالجبن
مكونات خليه النحل بالجبنه
كيلو دقيق جميع الاستخدامات
معلقتين كبار خميره فوريه
اربع معالق لبن بودره
كوب ماء دافئ
معلقتين سكر
بيضه
فانيليا
رشه ملح
معلقه صغيره بيكنج بودر
كوب الاربع زيت
جبنه النوع المفضل لديكي او شيكولاته
طريقه عمل خليه النحل بالجبنه
اولا
تجهيز الخميره
في كوب هنحط الخميره والسكر والماء مع مراعات ان الميه تكون دافيه فقط وليست ساخنه
هنقلبهم كويس ونغطي الكوب ونتركه جانبا
ثانيا
تجهيز العجينه
في بوله هننخل كيلو الدقيق ونضيف عليه اللبن البودره
ورشه الملح والبيكنج بودر ونقلب وبعدين هنضيف البيضه تكون
بدرجه حراره الغرفه مش ساقعه والفانيليا
ثم الزيت ونضيف كوب الخميره ونعجن بماء دافئ
لمده 10 دقايق لحد ما تكون عجينه طريه نغطي البوله ونسبها في مكان دافئ لمده ساعه حتي تختمر
تشكيل خليه النحل بالجبنه
هنجهز صنيه مدوره( لازم مدوره)
ندهنها زيت
هناخد قطعه من العجبنه ندورها في ايدينا ونحشي قلبها جبنه ونلفها زي الكوره دايره صغيره
ونبدا الرص من اول الصنيه وناخد مسافه معقوله بين كل كوره والتانيه
لجد ما نوصل لقلب الصنيه ونغطي الصنيه ونسبها تخمر ساعه كمان
لحد ما العجينه تتضاعف وتلزق في بعضها
 |
| خليه النحل بالجبنه |
تسويه خليه النحل بالجبنه
في فرن مسخن سابقا هنحط خليه النحل لمده 10 دقائق
فور خروجها من الفرن نغطيها بقماشه مبلوله ومعصوره
تزين خليه النحل بالجبنه
ممكن نرش علي الوجه حبه البركه او سمسم
لتزين الشكل واضافه قيمه غذائيه لها 
نصائح للعجين
الزبادي يمكن اضافته لاي عجين فهو يعطي العجينه طراوه
ممكن اضافه محسن الكيك ايضا للمخبوزات وليس الكيك فقط 
التسميات
معجنات