الباتيه بالجبنه من المعجنات البسيطه لكل مبتدء في صنعها
متنوعه هتقدم لكم طريقه من اسهل ما يكون للباتيه بالجبنه
والباتيه بالجبنه ينفع فطار او عشا او مع الاولاد في المدرسه
او النادي ممكن يقدم للضيوف مع كوب شاي
تابعي الخطوات والتحضير
مكونات الباتيه بالجبنه
اولا مكونات العجين
3 كوب دقيق
معلقه كبيره خميره فوريه
رشه ملح
معلقه سكر
كوب لبن
كوب الا ربع زيت
قشطه اختياري
1 بيضه للوجه
3معلق لبن بودره
ثانيا الحشو
جبن مثلثات او كيري
او جبنه بيضه مصفاه تماما من اي ماء بداخلها
وممكن تقطيع زيتون اسود قطع صغيره وخلطه مع الجبن الابيض
او لانشون يخلط مع الجن الابيض
ثالثا التزين
حبه البركه
سمسم
زعتر مطحون
المفضل لديكي
تحضير الخميره للباتيه بالجبنه
في كوب هنحط الخميره والسكر ونص مقدار اللبن
ونقلب كويس ونغطيها ونتركها في مكان دافئ
تحضير عجينه الباتيه بالجبن
في بوله غويطه هننخل الدقيق ونضيف عليه رشه الملح
والزيت واللبن البودره ونضيف كوب الخميره المسبق تحضيره
بعد ما يكون تضاعف حجمه ونعجن باللبن او ماء
نعجن لمده 10 دقائق لحد ما العجينه تصبح قطعه واحده طريه الملمس
وتغطي وتترك تخمر لمده ساعه في مكان دافئ 
ملحوظه
لو حسيتي ان العجينه ناشفه وانتي بتعجنيها زودي الماده الدهنيه
الزيت او معلقه سمن
طريقه تشكيل الباتيه بالجبنه
بعد التخمير
هنعمل كل الكميه دواير
وعلي سطح مرشوش دقيق هنفرد كل دايره بالنشابه
هنحشي قلب الدايره بالحشو المفضل لديكي
ونغلق الدايره بحيث تكون شكل نص الهلال او شكل القطايف
ترص في صنيه خبز وتغطي وتترك لتخمر ساعه كمان
تزين وجه الباتيه بالجبنه
في بوله صغيره هنحط البيضه مع معلقه لبن حليب
وبفرشه الطعام هندهن الوجه بحرص ونرش عليها سمسم
او حبه البركه او زعتر مطحون 
تسويه الباتيه بالجبنه
في فرن ساخن هندخل الباتيه بالجبنه لمده 10 دقائق
اول ما يخرج هنغطيه بقماشه مبلوله ومعصوره كويس
لحد ما يبرد
تقديم الباتيه بالجبنه
يقدم مع شاي
نسكافيه
شاي باللبن 
وبالهنا
التسميات
معجنات