محشي ورق العنب بالرز المصري
من احلي الاكلات الشهيره بمصر وتقدم في رمضان والمناسبات كطبق رئيس مهم
وعلي كل سفره مصريه هنقدم لكم اليوم طريقه سهله وطعم رائع لمحشي ورق العنب...
كل ربع كيلو ورق عنب بيحتاج 2كوب رز مصري
مكونات محشي ورق العنب المصري
اولا
ربع كيلو ورق عنب
ثانيا الخلطه
2 كوب رز مصري
نص كيلو طماطم حمر
بصله كبيره
خضزه المحشي بقدونس، كسبره، شبت
نعناع
ملح
فلفل اسود
بهارات محشي
مكعب مرق
شطه (اختياري)
سلق ورق العنب
في حله فيها ميه مغليه هنضيف نقطه زيت ونسقط ورق العنب لحد ما لونه يغمق
ونطلعو في مصفه يبرد
تنظيف ورق العنب
بعد ما يبرد هنشيل العود اللي فيه ونرصه مفرود ومتساوي
في مصفي لسهوله الحشي...
تجهيز خلطه ورق العنب المصري
في حله علي النار هنحط زيت ونبشر البصله ونديها لون دهبي خفيف
تضرب الطماطم في الخلاط وننزلها علي البصله
نظبط الملح والفلفل الاسود والبهارات
نديهم غلوه حولي 5 دقايق
نقطع الخضره الشبت والكسبره والبقدونس صغير
نغسل الرز ونصفيه كويس جدا من المياه
نضيف الرز والخضره للخلطه ونرش نعناع مطحون ناعم ورشه زيت ونقلب
طريقه حشي ورق العنب
هنجيب طبق مسلطح ونحط ورقه العنب الجزء الخشن لفوق والناعم لتحت
بحيث نحشي علي الناحيه الخشنه
نحط مقدار نص معلقه صغيره رز مصري علي الورقه ونقفل الجناب ونلفها
ونرص في الحله لحد ما تخلص كل الكميه
تسويه ورق العنب المصري
هنزود لحد نص الحله شوربه ونحط طبق مسلطح علي وش ورق العنب ونغطي الحله
لمده 5 دقايق علي نار عاليه ونهدي النار خالص شمعه لمده 10 دقايق
اختبار تسويه ورق العنب المصري
هنعرف ان ورق العنب استوي وجاهز للاكل اما نغرس شوكه
في ورقه العنب وتدخل فيها بسهوله لو مدخلتش نستني 5 دقايق كمان ونعمل الاختبار
لحد ما يستوي
نصائح للحصول علي نتيجه مضمونه
اولا
يفضل عدم وضع توم في اي محشي لانه يؤثر علي الطعم بالسلب..
نرص في قلب حله المحشي عيدان ورق العنب
او شرائح بصل
ثانيا
اذا لم يتوفر عندك شوربه ممكن تغلي ميه وتحطي فيها
مكعب مرقه وملح وفلفل اسود
ثالثا
يمكنك حشو فلفل رومي أخضر مع ورق العنب فهو يعطي له مذاق أجمل..
يقدم مع
الاحلي والأجمل علي الإطلاق للتقديم
سلطه الزبادي...
ممكن بانيه
بفتيك
او اي نوع شوربه 
التسميات
محاشي